Ish-CEO e YouTube, Susan Wojcicki, ka ndërruar jetë pas një beteje me kancerin në mushkëri për dy vjet, Mësohet se ajo ishte në moshën 56 vjeçarë.
“Me trishtim të thellë ndaj lajmin për ndarjen nga jeta të Susan Wojcicki. Gruaja ime e dashur prej 26 vitesh dhe nëna e pesë fëmijëve tanë na la sot pas dy vitesh që jetoi me kancerin e mushkërive,” shkroi bashkëshorti i saj, Dennis Troper në një postim në Facebook.
Troper tha se Wojcicki ishte “jo vetëm shoqja ime më e mirë dhe partnerja e jetës, por edhe një mendje brilante, një nënë e dashur dhe një mike e dashur për shumë njerëz.”
Wojcicki, një nga gratë më të shquara në Silicon Valley, kishte qenë e përfshirë me kompaninë mëmë të YouTube, Google, që në ditët e saj të para, kur dy themeluesit e saj punonin nga garazhi i saj në Kaliforni për të ndërtuar një motor kërkimi. Më vonë ajo u bë punonjësja e 16-të e Google dhe kishte punuar në kompani për gati 25 vjet.
CEO i Google, Sundar Pichai, shprehu ngushëllimet e tij në një postim në X të shtunën, duke thënë se Wojcicki ishte “thelbësore” për historinë e Google.