Avokatja Enea Biçaku ka sqaruar disa detaje të munguara për shumicën e shqiptarëve mbi çështjet e pronësisë për të cilat shprehet se numrin më të madh të tyre e zënë pasuritë martesore.
Ajo shpjegoi për ndarjen e pasurisë pas divorcit dhe atë pas vdekjes së prindërve si dhe procedurat ligjore që duhet të ndiqen. Sa i përket pronave të dhuruara ajo sqaroi se ato janë pasuri që nuk përpjesëtohen.
Artikull i rekomanduar
Ledion Liço burrë me fat, surprizohet në ditën e shënuar: E adhuroj time shoqe!
“Çështjet e pronësisë janë një nga çështjet që kanë më shumë rëndësi nga qytetarët, por ato pasuri që fitohen më shumë gjatë martesës janë ndër çështjet më të larta në numër.
Çdo pasuri që fitohet gjatë martesës e luajtshme apo paluajtshme do të konsiderohet si pasuri e përbashkët bashkëshortore në rast se ata nuk kanë përcaktuar regjimin e pasurive të ndara.
Në rast se ata vendosin bashkësi ligjore, pas divorceve pasuria ndahet me 1/2 mes bashkëshortëve. Prezumohet pjesa e bashkëshortes që ka kontribuar në pasurinë e familjes.
Ndërsa për pasuri që fitohen para martesës, apo pasuri dhurimi këto pasuri janë vetjake dhe të papjesëtueshme dhe pas zgjedhjes së martesës, janë pasuri që nuk pjesëtohen”.
E pyetur nëse e favorizon një nënë pasja e një fëmije të vogël në ndarjen e pasurisë, avokatja Biçaku u shpreh që patjetër pasi fëmija deri sa të arrijë një moshë madhore ka nevojë për kushte më të mira jetese dhe ekonomike.
“Patjetër dhe kjo merret në konsideratë nga ana e gjykatës, momentin që zgjidhet martesa gjykata merr parasysh dhe pjesën e fëmijës me cilin nga prindërit do të qëndrojë fëmija.
Nëse pasuria është e bashkëshortit sërish gjykata e prezumon faktin që fëmija do të qëndrojë me nënën dhe ka nevojë për kushte jetese më të mira dhe normalisht do të marrë për bazë faktin që fëmija do qëndrojë me nënën dhe duke qenë minoren deri në një moshën madhore ka nevojë për kushte më të mira.
Në rast se bashkëshorti kundërshton, vendos gjykata rast pas rasti duke parë dhe kushtet ekonomike dhe jetesës.
Ndërsa fëmijët gjithmonë mendojnë se kanë pjesë në shtëpinë që është ndërtuar por ajo është pasuri e prindërve dhe në rast se një nga prindërit ndërrojnë jetë hyjnë në lojë fëmijët nëse nuk kanë lënë testament.
Do të çelet dëshmia e trashëgimisë ligjore pranë një zyre noterie pranë vendbanimit dhe nga momenti i çeljes së saj duhet që brenda 30 ditëve ta dërgojë për regjistrim në agjencinë shtetërore të Kadastrës dhe në rast se babai nuk jeton më gjysmën e pasurisë e merr nëna, ndërsa fëmijëve u ndahet pjesa e babait,, ku nëna përfshihet dhe te gjysma e pasurisë së bashkëshortit”, u shpreh avokatja në Zgjohu me MCN.