NATO ka tërhequr të gjitha trupat e saj nga misioni këshillues në Irak, sipas një zyrtari të aleancës që foli në kushte anonimiteti.
Bëhet fjalë për disa qindra trupa të dislokuar në terren, ndërsa tërheqja është konfirmuar edhe nga vende aleate si Polonia, Spanja dhe Kroacia, të cilat kanë larguar forcat e tyre nga rajoni i Lindjes së Mesme ditët e fundit.
Pavarësisht kësaj, misioni i NATO-s nuk do të ndërpritet. Ai do të vijojë nga një seli ushtarake në Napoli, ku aleanca do të vazhdojë të ofrojë këshillim dhe asistencë për forcat e sigurisë irakiane, si dhe mbështetje në ndërtimin e kapaciteteve të tyre.