DURRËS– Moti i keq me erë të fortë dhe reshje intensive shiu ka përfshirë gjithë vendin gjatë orëve të fundit.
Kapiteneria e Durrësit ka urdhëruar pezullimin e sektorit të peshkimit, pasi gjiri i Durrësit është përfshirë nga stuhi detare.
Bëhet me dije se edhe disa sektorë të tjerë në Portin e Durrësit kanë ndërprerë aktivitetin. Gjithashtu edhe anijet e tonazhit të ulët kanë marrë urdhër të mos dalin në det. Pavarësisht kësaj tragetet kanë vijuar udhëtimin normalisht. Tragetet e linjave me Italinë, Barit dhe Ankonës nuk kanë pasur probleme.
Ndërsa në qytetin e bregdetar, situata paraqitet normale dhe deri më tani nuk janë evidentuar problematika me përmbytje apo qarkullimin e automjeteve./Radar.al