Situata reperit të njohur si Fero dhe modeles Arbenita Ismajili ka marrë një tjetër kthesë pas deklaratave të fundit në lidhje me kujdestarinë e vajzës së tyre.
Fero pak ditë më parë pretendoi se vajza e tij ishte rrëmbyer dhe ai nuk dinte asgjë për vendndodhjen e saj, por pak më vonë njoftoi në rrjetet sociale se kishte fituar kujdestarinë e saj.
Megjithatë, pala e Arbenitës e ka kundërshtuar këtë pretendim.
Avokatja e Arbenitës, Blinera Osmani, ka sqaruar për “Telegrafin” se kujdestaria e vajzës nuk i është marrë klientes së saj, pasi vendimi i Feros u kundërshtua në gjykatë.
Avokatja thekson se vendimi për mbrojtje emergjente, i kërkuar nga Fero, nuk është përfundimtar dhe mbrojtja e Arbenitës është duke pritur vendimin përfundimtar të gjykatës mbi këtë çështje.
Sipas avokates Osmani, dokumentet dhe kundërshtimi për vendimin janë dorëzuar brenda afatit ligjor, dhe tashmë presin vendimin e gjykatës për të qartësuar situatën e kujdestarisë së vajzës.