Mesazhe mashtruese kanë mbërritur së fundmi në llogaritë e WhatsApp të shumë përdoruesve shqiptarë.
Bëhet fjalë për mesazhin gjatë të cilës shfaqet një link me justifikimin që ju të jepni votën tuaj për X person, pasi kjo do të ndihmojë në dhënien e bursave falas për arsimin. POR ËSHTË NJË GËNJESHTËR!
Ekspertët e IT-së paralajmërojnë se të tilla mesazhe kërkojnë të përvetësojnë të dhënat tuaja personale. Ndaj këshillohet që të tilla linqe të mos klikohen.
Pak ditë më parë Autoriteti Kombëtar për Sigurinë Kibernetike apeloi qytetarët që të tregohen të kujdesshëm ndaj këtij mesazhi.
Në lidhje me këtë situatë që alarmoi shqiptarët, eksperti i teknologjisë dhe dixhitalizimit, Elvis Bregu i ftuar në “Aldo Morning Show” në Tv Klan shpjegoi se në dukje mesazhi lë të kuptohet që po ju vjen nga një person që ju e njihni dhe është në kontaktet tuaja.
Por në fakt kjo nuk është e vërtetë!