SHBA– Një shtetas ka përplasur makinën e tij në portën hyrëse të Shërbimit Sekret të Shteteve të Bashkuara, jashtë Shtëpisë së Bardhë.
Kjo ngjarje ka ndodhur të martën, njoftoi agjencia. Sipas Shërbimit Sekret të SHBA-së, incidenti ndodhi pak pas orës 10:30 të mëngjesit në Uashington, D.C.
Agjencia tha në një postim në platformën e saj X, “personi u arrestua dhe automjeti u ekzaminua dhe u konsiderua i sigurt”. Presidenti Donald Trump ndodhej brenda Shtëpisë së Bardhë në kohën e incidentit, sipas Neë York Times.
Autoritetet nuk dhanë informacione të mëtejshme rreth identitetit të shoferit apo motivit të mundshëm. As Shtëpia e Bardhë dhe as Shërbimi Sekret nuk iu përgjigjën pyetjeve në lidhje me incidentin./Radar.al