Merkatoja verore nis me një goditje të bujshme nga Igli Tare: Luka Modriç pritet të firmosë nesër me Milanin. Sipas raportimeve të ekspertit të merkatos, Gianluca Di Marzio, marrëveshja është në fazën përfundimtare dhe një kontratë njëvjeçare është tashmë gati për kroatin legjendar.
Pas një epoke të lavdishme 13-vjeçare me Real Madridin, ku fitoi çdo trofe të mundshëm, Modriç është i gatshëm të nisë një sfidë të re në Serie A. Kontakti me drejtuesit e Milanit, ku Igli Tare luan një rol kyç, ka qenë pozitiv dhe vendimtar për dakordësinë mes palëve.
Firmosja e Modriç me kuqezinjtë është cilësuar si “bomba e merkatos” dhe pritet të sjellë eksperiencë, klas dhe vizion loje në mesin e fushës së Milanit për sezonin 2025–2026.