Behar Kamberi, një psikiatër 42-vjeçar nga Kosova, u arrestua në Tiranë, pasi akuzohet për përndjekje ndaj moderatores sportive Albana Bejko, 28 vjeç.
Sipas Policisë së Tiranës, mjeku ishte paraqitur disa herë pranë banesës së moderatores dhe kishte njohuri për vendndodhjen e saj. Ai kishte ardhur nga Kosova për t’i bërë një surprizë, duke sjellë një parfum të shtrenjtë si dhuratë.
Megjithatë, pasi Kamberi u paraqit në vendin e takimit, efektivët e Komisariatit Nr. 2 të Tiranës e arrestuan menjëherë. Ai ndodhet aktualisht në qelinë e burgut “Mine Peza”, ndërsa ndaj tij rëndon akuza për veprën penale të përndjekjes.
Autoritetet bëjnë të ditur se moderatore Bejko kishte planifikuar takimin, duke e ftuar mjekun, dhe më pas ndërmori veprimet e nevojshme për arrestimin e tij.