Hetimet janë zgjeruar më thellë në lidhje me misterin e vdekjes së foshnjës shqiptare 5-muajshe në Greqi.
Ditën e djeshme përfundoi autopsia mbi trupin e foshnjës, por pa një rezultat për të zbardhur ngjarjen.
Ndërsa priten përgjigje nga ekzaminimet toksikologjike dhe histologjike.
Ditën e djeshme babai i fëmijës përfundoi në hetuesi ku dha dëshminë e tij e pastaj u lirua.
Ndërsa ditën e sotme pritet të dëshmojë dhe nëna e vajzës e cila humbi jetën.
Pistat kryerore që mbeten të hetohen për Policinë e Sigurisë dhe Autoritetet Mjeko-Ligjore mbetet fakti foshnja ndërroi jetë nga nxehtësia pasi dyshohet se ishte ekspozuar në diell ose në makinë për shumë orë.
Një mik i çiftit jep një përshkrim të ngjashëm për Live News: Të dy kishin shkuar për të notuar, por foshnjën e zuri gjumi, e futën në makinë. Fillimisht çifti ishte në det dhe më pas e çuan fëmijën në makinë sepse po qante. Foshnja u fut në makinë për t’u qetësuar dhe u harrua në makinë, bënte shumë vapë, makina u bë zjarr dhe ndodhi ajo që ndodhi.
Një dëshmitar theksoi: Kishin me vete një foshnjë e vogël, ata nuk kishin çadër, as kapelë. Fëmija po qante shumë.
Prindërit shqiptarë dhe fëmija i tyre më i madh dëshmuan se foshnja u zgjua duke qarë. Ata shkuan të gjithë në plazh për të notuar së bashku.
Djali më i madh i familjes thotë: Ajo qëndroi në diell, ishim të gjithë bashkë, por nuk kishim marrë çadër. Ne qëndruam të gjithë bashkë për rreth një orë dhe pastaj ajo (foshnja) filloi të qante. Babai i tha mamit të shkonte ta ndërronte në makinë. Ajo kishte pushuar së qari, por kishte filluar të zverdhej dhe thamë të ikim. Ngjyra ishte e çuditshme. Ikëm të gjithë së bashku. Mami shkoi vetëm në spital. Ata ishin gjithmonë bashkë, mami dhe e vogla ishin gjithmonë bashkë, gjithmonë. Askush nuk e la vetëm.