ITALI– Një lajm që pritet të vihet në zbatim nga janari i 2025 ka shqetësuar të gjithë dunapirësit.
Mediat e huaja kanë raportuar se Bashkia e Milanos ka marrë vendimin se nga data 1 janar 2025 do të ndalohet pirja e duhanit në ambientet e hapura të qytetit italian.
Ky ndalim specifik përfshin rrugët, oborret, zonat e hapura të restoranteve dhe kafeneve. Përjashtim bëjnë vetëm zonat e izoluara në të cilat çdo duhanpirës duhet të ketë një “hapësirë të lirë”, pa shtetas të tjerë, në një rreze prej të paktën dhjetë metrash.
Gjobat, për ata që nuk respektojnë vendimin e ri, do të fillojnë nga 40 dhe do të arrijnë në 250 euro. Bashkia e Milanos sqaroi se kjo masë e re ka të bëjë vetëm me cigaret tradicionale dhe jo ato elektronike. Që në vitin 2021, në metropolin verior italian ka hyrë në fuqi ndalimi i parë, sipas të cilit nuk lejohet pirja e duhanit në zonat ku qytetarët ushtrojnë, luajnë fëmijët e vegjël, si dhe në stacionet e autobusëve, varrezat dhe ambientet sportive./SKYNEWS/Radar.al