Milan po përballet me vështirësi të mëdha në sulm në vitin 2026 dhe mungesa e Rafael Leao e ndërlikon edhe më shumë situatën. Trajneri Massimiliano Alegri pritet të rikthejë nga minuta e parë Niklas Fullkrug.
Vetëm shtatë gola janë shënuar nga sulmuesit që nga fillimi i vitit dhe tekniku pritet të hedhë në fushë Fullkrug si titullar përkrah Christian Pulisic. Mungesa e Leaos vjen si pasojë e një problemi të rikthyer në muskujt aduktorë (të shtunën do t’i nënshtrohet analizave).
Ndaj Torinos, Allegri synon t’i japë një tjetër shans sulmuesit gjerman, i cili ka luajtur vetëm një herë si titullar që prej transferimit në janar, në transfertën ndaj Fiorentinës. Edhe në këtë rast, si në “Franchi”, partneri i tij në sulm pritet të jetë Pulisic. Amerikani po kalon një moment të vështirë dhe ende nuk ka gjetur golin, ndërsa edhe nga pjesa tjetër e sulmuesve pritej më shumë (Leao 4 gola, Christopher Nkunku 2, Fullkrug 1).
Mungesa e Leaos e detyron Allegrin të ndryshojë diçka, jo skemën, që mbetet 3-5-2 (me 4-3-3 si alternativë gjatë ndeshjes), por emrat në fushë. Për Fullkrug kjo është një provë e rëndësishme në një sfidë delikate, pasi Torino është rikthyer në formë nën drejtimin e Roberto D’Aversa. Një paraqitje e mirë mund të rrisë shanset e tij për të bindur klubin për një konfirmim në fund të sezonit. Ndërkohë, mbrojtja e Milanit mbetet më e mira në Serie A, por sulmi lë për të dëshiruar, 44 gola në 29 ndeshje dhe vetëm 14 në 12 sfidat e fundit. Në katër ndeshjet e fundit (ndaj Parmës, Cremoneses, Interin dhe Lazios) janë shënuar vetëm 3 gola, duke larguar kuqezinjtë nga kreu i renditjes. Sa i përket formacionit, në krahun e majtë pritet rikthimi i Davide Bartesaghi në vend të Pervis Estupiñán, ndërsa në mesfushë rikthehet Adrien Rabiot pas pezullimit. Për vendin e fundit në mesfushë, përkrah Rabiot dhe Luka Modric, është një balotazh mes Samuele Riçi dhe Jusuf Fofana.