Zëvendës ndihmës sekretari i DASH, Aleksandër Kasanof ka dhënë një mesazh të fortë dhe të qartë ndaj maxhorancës dhe opozitës shqiptare, për të votuar ndryshimet kushtetuese në reformën në drejtësi dhe për t’i dhënë mundësinë prokurorëve të SPAK që të rizgjidhen në detyrë edhe për një mandat tjetër 9 vjeçar.
“Për t’u siguruar që SPAK-u do të vazhdojë pa ndërprerje luftën kundër korrupsionit dhe krimit të organizuar në të ardhmen, ne besojmë se prokurorët e SPAK-ut duhet të lejohen të aplikojnë për të shërbyer sërish pas përfundimit të mandatit të tyre aktual. Pavarësia e SPAK merret vendimtare dhe është kthyer në institucionin më të besuar në Shqipëri. Institucionet ndërkombëtare kërkojnë ekspertizën e SPAK për të luftuar krimin e organizuar shqiptar në vendet e tyre…
Për t’u siguruar që SPAK-u do të vazhdojë pa ndërprerje luftën kundër korrupsionit dhe krimit të organizuar në të ardhmen, ne besojmë se prokurorët e SPAK-ut duhet të lejohen të aplikojnë për të shërbyer sërish pas përfundimit të mandatit të tyre aktual.
SPAK mbush 5-vjeç! Dumani: Dhamë mesazh se drejtësia nuk ka anë. Na janë kërcënuar edhe familjarët!
Dështimi për të realizuar këtë rrezikon të ndërpresë përpjekjen më të suksesshme për të luftuar krimin e organizuar dhe korrupsionin në historinë shqiptare, dhe rrezikon humbjen e profesionisteve tuaj më me përvojë dhe njohuri institucionale”, tha Kasanof.
Ky ishte një mesazh i qartë për mazhorancën dhe opozitën shqiptare, nga një zë i rëndësishëm i DASH.
Theksojmë këti që kreu i SPAK, Altin Dumani e ka ngritur disa herë këtë shqetësim. Ai ka kërkuar zgjatje për mandatin e prokurorëve të SPAK.
Por për të ndërmarrë një hap të tillë, maxhoranca dhe opozita duhet të votojnë ndryshimet Kushtetuese për të mundësuar riaplikimin për qëndrimin e prokurorëve në detyrë për një mandat të dytë.
Pas përfundimit të mandatit sipas legjislacionit aktual, prokurorët e SPAK rikthehen në detyrat që kanë patur në prokuroritë e nivelit të dytë apo në funksionet që kanë kryer më parë.
Çfarë ka kërkuar Dumani
Altin Dumani: Çështja nuk ka të bëjë me interesat e karrierës tonë personale. Së pari është i njohur konstatimi që kudo ku ka mandat nuk ka qëndrueshmëri në rezultate. Së dyti mendojeni në një rast të tillë ku është një hetim që kërkon kohë, mund, bashkëpunim me agjenci brenda apo jashtë vendit.
Ju keni hetuar, keni grumbulluar provat, hetimi po shkon mirë, bukur dhe një ditë të bukur prokurorit i ndërpritet mandati.
Problemi është sa efektiv do të jetë ai tjetri. kur ti heton vetë një çështje e ndjek që nga dita e parë, fillon e dashurohesh me çështjen, e njeh në çdo detaj, edhe në 12 të natës kur ti je në gjumë, je në gjendje të dish ku është pika e fortë e çështjes dhe ku është pika e dobët, cilat janë veprimet që ke kryer dhe kush është veprimi i radhës që do të kryhet