TIRANË– Albano Bogdo gjatë intervistës në “Se Luan Topi” në Top Channel ka është shprehur se për shkak të famës dhe parave filloi të pinte alkool për disa vite, derisa në vitin 2016 kur ai u shkëput totalisht nga pijet alkoolike.
“Tani pi ndonjë birrë dhe bëhem si karagjoz”- tha ai.
Aktori i humorit tregon se paga e tij ka qenë shumë e madhe sapo mbaroi fakultetin, ndërsa fama që mori menjëherë sapo doli në televizion ishte e madhe. Për këtë arsye ai ka nisur alkoolin dhe tregon se sapo mbaronte spektaklin e humorit 2XL shkonte direkt në lokal dhe pinte.
“Ka shumë gjera për mua që njerëzit nuk e dinë, se unë refuzoj të flas. Fillova alkoolin nga fama, sepse nuk dija si ta menaxhoja famën. Sa mbarova shkollën e lartë fillova punë dhe nuk kam pasur rrogë që kur kam punuar aktor, mos të mbaronte me milionë në fund. Kur fillon merr miliona nuk di si të menaxhosh famën, nuk di si të menaxhosh lekët, jetën etj. Unë sa mbaroja 2XL dhe shkoja menjëherë te një lokal dhe i thosha me jep alkool se nuk di çfarë të bëj. Ishte shumë e çuditshme kur të flisnin femrat vetë. Pse? Sepse kishe filluar të dilje në televizor. Për këto gjera të shkatërron fama. Unë njësoj kam qenë, nuk jam as i bukur dhe as i shëmtuar. Nëse i flisje një goce, i thoshe a mund të të qeras diçka? Thoshte absolutisht jo. Po kur ti del në televizor vijnë të thonë: O yll i bukur, ti do vish me ne etj. Kjo të bën të vuash shumë”, rrëfeu aktori.
Gjithashtu foli edhe për raportet me femrat, ku Albano thotë se kërkon që të gjejë një vajzë serioze.
“Për momentin jam beqar, jam i hapur për dashuri, për një vajzë të bukur. Po vdes të bëhem baba, por skam me kë ta bëj. Kam qenë 400 herë i lidhur, 40 herë i dashuruar.Kam nxjerrë disa vajza, për një kam thënë se ishte e famshme. Nuk e kam pasur as të dashur. Ishim duke bërë seks dhe pasi mbaruam më tha diçka si e mençur. I thashë lerë si muhabet. Jo këmbënguli, bënte kështu si feministë. E nxora jashtë nga shtëpia, ishte vetëm me mbathje dhe sytjena. Rrobat ja hodha nga dritarja. I thashë vishu aty poshtë. Po flisnim konkretisht për nudizmin dhe më thoshte që po të shkojnë në një plazh nudist ti do jesh më në siklet sepse unë jam krenar për trupin. Donte të më fuste në palestër, ndërkohë që unë pija 4 shishe uiski në ditë.”- tha ai.