Një automjet tip Ford ka marrë flakë sot rreth orës 16:20 gjatë lëvizjes nga fshati Dhoksat drejt Gjirokastrës. Zjarri u raportua në Sallën e Informacionit, dhe shërbimet zjarrfikëse mbërritën menjëherë në vendngjarje.
Falë ndërhyrjes së shpejtë, zjarri u fik plotësisht. Drejtuesi i automjetit deklaroi se flakët nisën gjatë lëvizjes, duke përfshirë mjetin me shpejtësi. Për pasojë, automjeti u shkatërrua plotësisht, por fatmirësisht nuk pati të lënduar.