Zëvendëskryetari i Këshillit të Sigurisë së Rusisë, Dmitry Medvedev, ka bërë një deklaratë cinike ndaj Europës, duke sugjeruar se kontinenti nuk do të jetë në gjendje të rezistojë ndaj një pushtimi të mundshëm të Groenlandës nga Shtetet e Bashkuara.
Në një postim ironik në rrjetet sociale, Medvedev komentoi deklaratën e Presidentit francez Emmanuel Macron, i cili paralajmëroi se çdo shkelje e sovranitetit të Groenlandës do të kishte pasoja të pallogaritshme. Medvedev shkroi: “A do të rrëmbejnë ata presidentin amerikan? Apo do të përdorin armë bërthamore kundër SHBA-së? Jo, ata thjesht do të frikësohen… dhe do ta dorëzojnë Groenlandën. Ky do të jetë një precedent i madh europian.”
Komentet e tij vijnë në një klimë tensioni diplomatike, ndërsa çështja e Groenlandës dhe interesat amerikane dhe evropiane mbi ishullin arktik janë objekt diskutimesh të shumta ndërkombëtare.
The Gallic cock has crowed that, if the sovereignty of Denmark is affected, the consequences would be unprecedented. Ooh, what they will do?! Kidnap POTUS? Nuke the US? Course not. They’ll just shit their pants and give up Greenland. And that’d would be a great European precedent
— Dmitry Medvedev (@MedvedevRussiaE) January 14, 2026