Gazetari i Fox News, Trey Yingst, ka publikuar pamje nga momenti i arrestimit të ish-presidentit të Venezuelës, Nicolas Maduro, në ambientet e DEA-s në Nju Jork.
Në videon e shpërndarë në Facebook, Maduro shfaqet i veshur me shapka, me një shishe uji në dorë, teksa shoqërohet nga dy oficerë policie. Pamjet kanë tërhequr vëmendje të madhe në rrjetet sociale për shkak të rrethanave dhe mënyrës së paraqitjes së tij.
Sipas informacioneve, Maduro u arrestua një ditë më parë nga forcat elitare amerikane Delta Force, së bashku me bashkëshorten e tij. Pas arrestimit në Karakas, ai u transportua me avion ushtarak drejt Shteteve të Bashkuara, ku ndodhet tashmë në New York.