Fituesi i “Big Brother VIP 4”, Gjesti, ka folur për jetën e tij pas përfundimit të spektaklit që thërret miliona shikues.
Në emisionin “Goca dhe Gra”, ai ka rrëfyer si ka vijuar marrëdhënia me Eglin, vajzën me të cilën pati një romancë gjatë kohës brenda shtëpisë së “Big Brother”.
Gjesti tha se ka lënë pas të gjitha hatërmbetjet dhe debatet që pati gjatë programit, i cili shënoi rekorde shikueshmërie.
“Ka bashkëpunime, por nuk do zbuloj asgjë. Ka këngë të kushtuara dashurisë, i dedikohen dikujt. Kënga ‘Halite’ është e kaluara ime. Nuk ka arsye pse të mos e këndoj, por ka atë kuptim. 98% kam qenë real aty brenda në BBV. Të gjitha sjelljet dhe ndjenjat kanë qenë të vërteta,” shpjegoi ai.
Gjesti shtoi se më shumë i mungon koha me Eglin jashtë, duke treguar se marrëdhënia e tyre është në rënie për shkak të angazhimeve: “Më mungon koha me Eglin, jashtë e kemi një marrëdhënie, me rënësi është. Kemi qenë të ngarkuar, ajo me karrierën e saj, unë me karrierën time.”
Ai u shpreh i kënaqur për ditën që e njohu: “I kënaqur jam ditën kur e kam njohur.”
Gjesti tregoi gjithashtu se ka folur me Valbonën dhe pak me të tjerët, duke pranuar se ka qenë shumë i zënë dhe se ka qenë e vështirë të rikthehej në jetën reale.
“Ne i kemi thënë gjëra njëri-tjetrin, por BBV ka përfunduar, janë mbyllur edhe hatërmbetjet. Ata që më kanë sulmuar brenda, e kam mbyllur me ta,” tha ai.
Gjesti u shpreh se u befasua nga Laerti dhe nuk e kishte ditur që ishte ashtu, ndërsa për eksperiencën në BBV Kosovë theksoi: “Nga rrugëtimi në BBV Kosova nuk do kisha lënë askënd të më shkelë me këmbë.”
Ndërsa për “Big Brother VIP Albania” u shpreh: “Në BBV Albania çdo gjë ka shkuar shumë mirë.”