Mbrëmja e 29 Gushtit nuk do të jetë më një datë e rastësishme në kalendar për Rigers Qefalian dhe Enka Merkon.
Nipi i deputetit të PS, Xhemal Qefalisë, i dha fund beqarisë në një dasmë madhështore të enjten, duke gëzuar me familjarë, miq e të afërm.
Rigers Qefalia, djali i Kujtim Qefalisë, vëllai i deputetit, kurorëzoi në martesë dashurinë e tij me biznesmenen e njohur Enka Merko.
Detaje nga organizimi i këtij eventi ka dhënë në rrjetet sociale organizatorja Alketa Vejsiu. Nga ato që shohim e lexojmë, mund të themi me plot gojën se kjo është një dasmë faraonike për nga niveli i detajeve të përzgjedhura.
Çifti mesa duket ka dashur që gjithçka të jetë sa më natyrale duke zgjedhur dekorimin me 150.000 lule natyrale dhe palma me ngjyrë lejla.
Pista siç tregon Alketa ishte ndërtuar mbi pishinën e një prej resorteve luksoze në ved, Select Hill Resort.
Ndërkohë nga sa kemi mësuar është se këngëtarët që kanë performuar dhe argëtuar të pranishmit ishin Klajdi Haruni, Bruno dhe Ledri Vula.
View this post on Instagram