Edicioni i 108-të i Giro d’Italia startoi ditën e sotme me shumë emocion dhe intensitet në Shqipëri, Tiranë.
Etapa e parë, e zhvilluar mes Durrësit dhe Tiranës një test i vërtetë për çiklistët përfundoi para pak çastesh.
Një rrugë prej 160 km, etapat e ngjitjes dhe sprintet e forta krijuan kështu një atmosferë elektrike, duke e nisur garën në mënyrë shumë emocionuese.
Burimet bëjnë me dije se Max Pedersen ka qenë protagonisti kryesor i ditës, pasi rrëmbeu fitoren në etapën e parë me një sprint të shkëlqyer në Tiranë.
Ky sukses e vendos Pedersenin në pozita të favorshme për të vazhduar me ambicie në etapat e ardhshme.
Përveç fitores, gara e parë shënoi një incident të rëndë për çiklistin pretendent Mikel Landa, i cili doli jashtë në një kthesë dhe goditi një shtyllë ndriçimi, duke përfunduar në trotuar.
Ndihma mjekësore mbërriti menjëherë në vendngjarje për të ofruar ndihmën e nevojshme, ndërsa Landa thuhet se po trajtohet për lëndimet e tij.