Ambasada e Mbretëria e Bashkuar në Tiranë ka njoftuar se sistemi i emigracionit në vend po kalon në një fazë të re dixhitalizimi, duke shënuar një ndryshim të rëndësishëm për të gjithë aplikantët për vizë.
Duke nisur nga sot, 25 shkurt, vizitorët që kanë nevojë për vizë për të hyrë në Mbretërinë e Bashkuar do të pajisen me vizë elektronike (eVisa), e cila zëvendëson përfundimisht vizat e printuara në pasaportë.
Çfarë është eVisa?
eVisa është një regjistrim plotësisht dixhital që përmban:
Identitetin dhe statusin e emigracionit (p.sh. llojin e vizës ose nëse personi ka leje të pacaktuar qëndrimi në Mbretërinë e Bashkuar);
Kushtet e statusit, si për shembull nëse lejohet puna apo studimi.
Ky sistem do të zëvendësojë gradualisht të gjitha dokumentet fizike të emigracionit.
Cilat dokumente zëvendësohen?
Lejet e qëndrimit biometrik (BRP) tashmë janë zëvendësuar nga eVisa. Sistemi i ri do të zëvendësojë gjithashtu:
Kartat biometrike të qëndrimit (BRC);
Pullat me bojë të lagësht ose ngjitëset (vignette) në pasaporta.
Zakonisht, aplikantët do të pajisen me eVisa pasi aplikimi për vizë ose për një formë tjetër lejeje qëndrimi në Mbretërinë e Bashkuar të miratohet me sukses.
Sipas njoftimit zyrtar, ky ndryshim synon të rrisë sigurinë, të thjeshtojë procedurat dhe të modernizojë sistemin e kontrollit të emigracionit në vend.