Pas disa ditësh në arrati, tre vëllezërit e përfshirë në masakrën e Borizias janë dorëzuar dhe arrestuar nga policia greke. Operacioni u zhvillua nën masa të rrepta sigurie, ndërsa momentet e arrestimit janë fiksuar nga kamerat e mediave greke.
Më i vogli prej tyre, 19-vjeçari që kryen shërbimin ushtarak, rezultoi hallka që çoi policinë drejt identifikimit të të treve. Ai kishte telefonuar komandantin e tij për të kërkuar leje, duke pretenduar se policia i kishte marrë motoçikletën gjatë një kontrolli në shtëpi. Kjo telefonatë ndihmoi hetuesit të gjurmonin lëvizjet e tij, duke zbuluar më pas vendndodhjen në një hotel, ku megjithatë ai arriti të largohej përpara se të ndërhyente policia.
Dy pronarët e hotelit, baba e bir, u arrestuan për ndihmë ndaj të kërkuarve. Pas një operacioni të gjerë, tre vëllezërit u dorëzuan në Policinë e Heraklionit rreth orës 18:00. Ata pritet të dalin para drejtësisë dhe të kërkojnë afat për mbrojtje ligjore.
Në total, pesë persona janë nën hetim për përfshirje në ngjarjen e përgjakshme, përfshirë vëllain e katërt të plagosur dhe një kushëri të tyre. Ndërkohë, në fshatin me vetëm 500 banorë ndodhen 400 oficerë të armatosur që vijojnë kërkimet për armët e përdorura në masakrën që tronditi Kretën.