TIRANË– Aktori i humorit Jul Deda ka reaguar përmes një postimi në InstaStory për ndarjen nga jeta të 14-vjeçarit, Martin Cani, i cili humbi jetën pas një koflikti me thikë me një tjetër bashkëmoshatar.
Juli ka publikuar një foto me të ndjerin, kur ky i fundit i kishte kërkuar në vitin 2021 i kishte kërkuar aktorit të bënin një foto sëbashku dhe krahas fotos shkruante: Tani dola unë foto me Julin, por mbas 10 vitesh do jetë ai që do kërkojë të dalë me mua, Martin Cani.
Pasi 14-vjeçari merrej me sport dhe e ka shkruar këtë nisur nga puna e madhe në futboll që po bënte dhe ëndërronte që kur të bëhej 16 vjeç, të ishte një futbollist i njohur.
“Prehu në paqe i dashur Martin. A mund ta bëjmë një foto bashkë, edhe pse nuk kanë kaluar ende 10 vite? Edhe pse fati tragjik t’i ndërpreu ëndrrat në mes? E unë prapë e dua këtë foto me ty, o kampion. Na pikëllove të gjithëve, o djalë, por Zoti djemtë e mirë i do pranë vetes. Qofsh mirë me Zotin. Ngushëllime të sinqerta familjes.”-ka shkruar Juli krahas fotos./Radar.al
