Rei Manaj ishtesezonin e kaluar ndër sulmuesit më të mirë të kategorisë kryesore të futbollit turk.
Sulmuesi kuqezi po tregon një formë shumë të mirë në superligën turke.
Futbollisti lushnjar ishte protagonist edhe në suksesin e radhës të skuadrës së tij kundër Adana Demirspor, ku Manaj realizoi madje golin e përmbysjes së madhe nga 2 me 0 për kundërshtarin në 3 me 2 për Sivasspor.
Pas një shërbimi nga e djathta e sulmit nga Paluli, sulmuesi i përfaqësueses shqiptare nuk e pati të vështirë të shënojë me të djathtën në portën vendase.
Në fund skuadra e Manaj shënoi edhe golin e katërt që vulosi marrjen e tre pikëve në ndeshjen hapëse të javës së 10 të superligës turke, ku Sivasspor për momentin renditet e shtata.
Për Manaj ishte java e tretë radhazi që shënonte, ndërsa në total në 7 takime që ka luajtur ka shënuar 4 herë.
Në Spanjë, Marash Kumbulla ishte titullar në qendër të mbrojtjes tek Espanjol në humbjen 2 me 0 të skuadrës së tij kundër Sevijës në La Liga.
Mbrojtësi kuqezi dhe shokët e tij të repartit nuk patën faj në golin e parë të miqve shënuar nga distanca prej Lukebakios, e pak a shumë e njëjta gjë mund të thuhet edhe për golin e dytë nga i njëjti autor