Presidenti rus, Vladimir Putin, së fundmi mësohet se ka pranuar propozimin e SHBA-ve për armëpushim 30-ditor në Ukrainë.
Në një konferencë për shtyp nga Moska, Putin u shfaq pro armëpushimit.
“Ne jemi pro armëpushimit”, tha Putin.
Teksa u pyet nëse mendon se Ukraina është gati për një armëpushim dhe nëse ai është informuar nga SHBA, Putini fillimisht falënderoi presidentin Trump që sipas tij interesohet dhe i kushton vëmendje arritjes së një zgjidhjeje në Ukrainë.
Ndërsa më tej ai u shpreh se Rusia pajtohet me propozimin për një armëpushim, por armëpushimi duhet të çojë në një “paqe të qëndrueshme”.
“Ne pajtohemi me propozimin për ndërprerjen e armiqësive, por ai duhet të çojë në paqe të qëndrueshme dhe të heqë shkaqet themelore të kësaj krize,” theksoi presidenti rus.
Putin tha gjithashtu se është i bindur se Ukraina duhet t’i kishte kërkuar me këmbëngulje SHBA-ve një takim, si ai në Arabinë Saudite, duke pasur parasysh situatën në terren.
Presidenti shtoi ndër të tjera se kontrolli nga forcat ukrainase “ka humbur” në Kursk, duke thënë se pajisjet e tyre janë “braktisur”.
Si rrjedhojë sipas Putinit, “do të ishte mirë” që Ukraina të arrinte armëpushim 30-ditor, duke thënë se “ne jemi pro”.
Putini tha se është dakord që t’i jepet fund konfliktit me Ukrainën, por me mjete paqësore.