Presidenti i Ukrainës, Volodymyr Zelensky është shprehur se SHBA-të e lidhin ofrimin e garancive të sigurisë në rast të një marrëveshjeje paqeje me dhënien e rajonit të Donbasit Rusisë. Këtë deklaratë e bëri për Reuters.
“Shtetet e Bashkuara po e vënë si kusht për ofrimin e garancive të sigurisë për Ukrainën në rast të një marrëveshjeje paqeje që Kievi t’ia lëshojë rajonin lindor të Donbasit Rusisë.”– tha ai në një intervistë ekskluzive me Reuters.
“Lindja e Mesme sigurisht që ndikon te Presidenti Trump dhe unë besoj se hapat e tij të ardhshëm. Presidenti Trump për fat të keq, sipas mendimit tim, vazhdon të zgjedhë strategjinë e ushtrimit të më shumë presionit mbi palën ukrainase.“-shtoi ai.
Ai u shpreh se amerikanët jantë të gatshëm t’i finalizojnë këto garanci në një nivel të lartë sapo Ukraina të jetë gati të tërhiqet nga Donbasi, duke shtuar se e kupton sa “delikat” është qëndrimi amerikan, megjithëse nuk ka marrë pjesë drejtpërdrejt në bisedimet trepalëshe vetë.
Presidenti rus, Vladimir Putin këmbëngul se kontrolli i të gjithë rajonit të Donbasit është një element thelbësor i qëllimeve të tij të luftës, të cilat Moska thekson se do t’i arrijë në fushën e betejës nëse nuk arrin ta bëjë këtë përmes negociatave.
Nga ana e tij, Zelensky paralajmëroi se nëse Ukraina lëshon Donbasin, kjo do të rrezikonte si sigurinë e saj ashtu edhe atë të Evropës, duke ia dorëzuar Rusisë pozicionet e forta mbrojtëse të rajonit.
“Do të doja shumë që pala amerikane ta kuptonte se pjesa lindore e vendit tonë është pjesë e garancive tona të sigurisë.”- theksoi ai./Radar.al