TIRANË-Ish-banorja e BBV4, Loredana Brati e cila tashmë njihet për rolin e saj si Kupidi në sezonin e fundit të “Përputhen”, ka folur për herë të parë për zërat që e lidhin me një nga konkurrentët e programit.
Përmes një lidhje telefonike me Ronaldo Sharkën në “Live From Tirana”, Loredana ka kundërshtuar thashethemet duke sqaruar situatën që çoi edhe në largimin e saj nga show.
“U mërzita kur pashë ato lajme, por do kalojë.”- tha ajo, duke theksuar mbështetjen që ka marrë nga fansat dhe publiku gjatë kohës që ishte pjesë e Big Brother VIP. Sipas saj, ajo ka qenë shumë e hapur në katër muajt e saj në reality show dhe ka treguar karakterin dhe vlerat e saj.
“Kam qenë në Dhërmi me shoqërinë dhe ky person punon në restorantin ku po drekoja. U ulëm për pak bashkë në tavolinë, dhe më pas u bë foto.”- tha Loredana./Radar.al
