Këngëtarja e njohur shqiptare, Ronela Hajati, ka bërë një reagim në Instagram, duke adresuar kritikët e saj që shpeshherë komentojnë për pamjen e saj fizike dhe muzikën që ajo krijon.
Në mesazhin e saj të drejtpërdrejtë, Ronela reagon ndaj atyre që sipas saj “harxhojnë kohë duke bërë komente” në vend që të fokusohen në jetën e tyre personale.
Ronela, e njohur për deklaratat e saj të drejtpërdrejta, thekson se është krenare për punën e saj dhe për arritjet që ka bërë gjatë dy dekadave në industrinë muzikore.
Këngëtarja shqiptare ironizon ata që i kushtojnë rëndësi peshës së saj, duke theksuar se “kam pasqyrë” dhe nuk ka nevojë për komente nga të tjerët mbi pamjen e saj fizike.
Mesazhi i saj i drejtohet dhe atyre që kritikojnë muzikën e saj. Ajo inkurajon ata që nuk e pëlqejnë muzikën e saj, që thjesht të mos e dëgjojnë, duke mbrojtur të drejtën e saj për të krijuar dhe performuar sipas stilit të vet.
Në fund, këngëtarja ndan një falënderim të veçantë për ata që e kanë mbështetur ndër vite. Ajo shpreh mirënjohjen për besnikërinë e tyre dhe për suksesin që ka arritur falë përkrahjes së tyre.
Ronela mbyll postimin me një mesazh të qartë për ata që i drejtojnë kritika: “Ju të tjerve, ishalla po keni punë!”
