Agjencia iraniane Tasnim, e lidhur me Gardën Revolucionare Islamike (IRGC), ka publikuar për herë të parë listën e shtatë komandantëve të lartë të Forcave të Armatosura që humbën jetën gjatë sulmeve të fundit.
Komandantët e vrarë janë:
Brigadier Gjeneral Mohammad Shirazi – Shef i Zyrës së Komandantit të Përgjithshëm
Brigadier Gjeneral Saleh Asadi – Zv/Shef i Inteligjencës në Shtabin e Përgjithshëm
Major Gjeneral Mohsen Darehbaghi (Forca Ajrore) – Zv/Shef i Logjistikës dhe Mbështetjes
Brigadier Gjeneral Akbar Ebrahimzadeh – Zv/Shef i Zyrës së Komandantit të Përgjithshëm
Brigadier Gjeneral Gholamreza Rezaeian – Shef i Organizatës së Inteligjencës Faraja
Brigadier Gjeneral Bahram Hosseini Motlagh – Shef i Departamentit të Planifikimit dhe Operacioneve
Brigadier Gjeneral Hassan-Ali Tajik – Shef i Departamentit të Logjistikës në Shtabin e Përgjithshëm
Ky zhvillim vjen pas goditjeve të SHBA-së dhe Izraelit që nisën të shtunën dhe që sipas njoftimeve, përfshinë edhe vrasjen e Udhëheqësit Suprem iranian, Ajatollah Ali Khamenei.
Në një deklaratë nga Shtëpia e Bardhë, Presidenti Donald Trump tha se SHBA-të po kryejnë “operacione luftarake në shkallë të gjerë” dhe se vendimi për sulmet ndaj Iranit ishte “shansi i fundit dhe më i mirë” për të ndaluar regjimin e vendit.