VLORË– Kryeministri Edi Rama mëngjesin e kësaj të hëne ka shkuar sërish për një takim në Bashkinë e Vlorës, në kuadër të problematikave që lidhen me zaptimin e hapësirave publike në qytet, veçanërisht përgjatë zonës turistike të Lungomares.
Kjo është vizita e dytë e Ramës në Bashkinë e Vlorës, pasi disa ditë më parë shefi i qeverisë paralajmëroi bizneset përgjatë shëtitores së njohur, duke u dhënë një afat 48 orësh për të hequr tendat dhe çdo strukturë të vendosur në mënyrë të paligjshme. Ai theksoi se hapësirat publike janë për qytetarët dhe nuk mund të privatizohen në mënyrë abuzive, veçanërisht në kulmin e sezonit turistik.
Kujtojmë se më herët, në një tjetër lëvizje drastike, janë shkarkuar të gjithë drejtorët e Bashkisë së Vlorës, si pjesë e një procesi riorganizimi që synon të rikthejë rendin dhe funksionimin normal të administratës vendore. Rama është shoqëruar në këtë takim nga kreu i bashkisë së këtij qytetit, Ermal Dredha./Radar.al
Rama kërkon shkarkimin e drejtorëve në Bashkinë e Vlorës, komandon 2 drejtues të rinj të PS