Sekretari i Këshillit Bashkiak të Tiranës, Behar Zeneli, i është drejtuar me një letër kryebashkiakut Erion Veliaj, duke sqaruar se institucioni që ai përfaqëson nuk ka marrë asnjë vendim për të ndaluar pjesëmarrjen e tij në mbledhjen e sotme, ku pritet të shqyrtohet propozimi për shkarkimin.
Zeneli i sugjeron Veliajt që, në rast pamundësie për të qenë i pranishëm, pretendimet t’i paraqesë me shkrim. Por Veliaj reagoi duke theksuar se sekretari nuk ka të drejtë të vendosë në emër të një organi kolegjial dhe se funksioni i tij është vetëm administrativ.
Ndërkohë, Komisioni i Çështjeve Ligjore të Këshillit Bashkiak ka refuzuar zyrtarisht kërkesën e Veliajt për të marrë pjesë në mbledhje. Ky vendim u mbështet edhe nga këshilltarët socialistë, të cilët vetë propozuan shkarkimin e tij.