Legjenda e muzikës klasike, tenori me famë botërore José Carreras mësohet se do të këndojë së shpejti për publikun shqiptar.
Më 8 shtator stadiumi “Selman Stërmasi” do të mirëpresë José Carreras, një nga tenorët më të mëdhenj në historinë e operas.
Carreras, i lindur në Barcelonë dhe i njohur për performancat e tij në skenat më prestigjioze botërore si Theatre alla Scala, Neë York Metropolitan Opera dhe Royal Opera House, ka një karrierë që përfshin mbi 60 opera dhe më shumë se 160 regjistrime muzikore.
Ai u shndërrua në një ikonë të muzikës klasike, duke fituar zemrat e miliona adhuruesve në mbarë botën.
Kryetari i Bashkisë së Tiranës ftoi qytetarët që të mos e humbin këtë natë të paharrueshme.
“Mos e humbisni mundësinë për të përjetuar një natë të paharrueshme me zërin e tij të jashtëzakonshëm”, shkroi Veliaj, në rrjetet sociale.