Seanca e Parlamentit Britanik u ndërpre përkohësisht sot, pas lajmit të hidhur për ndarjen nga jeta të futbollistit të Liverpoolit, Diogo Jota.
28-vjeçari Jota humbi jetën tragjikisht në një aksident automobilistik në Spanjën veriore, së bashku me vëllain e tij, Andre. Automjeti luksoz Lamborghini që drejtonin u përmbys dhe u përfshi nga flakët, ndërsa po udhëtonin drejt tragetit për në Angli.
Ministrja e Sportit në Britani, Lisa Nandy, bëri njoftimin zyrtar në Parlament, duke shprehur ngushëllimet e saj:
“Sapo morëm këtë lajm të trishtueshëm pak para se të hynim këtu. Zemrat tona janë të thyera. Mendimet tona janë me familjen dhe miqtë e tij.”
Seanca u ndërpre për t’i bërë homazhe futbollistit dhe për të nderuar kujtimin e tij në këtë moment të dhimbshëm.