Laert Vasili ka folur sot për herë të parë pas daljes nga Big Brother. Ai ka deklaruar se është në gjendje të rënduar, pavarësisht se ka marrë respekt nga njerëzit të cilët e vlerësojnë për lojën e tij. Laerti paralajmëroi padi për ata që kanë shpifur dhe kanë dëmtuar imazhin e tij.
Nuk mungoi falënderimi për ata njerëz që e kanë vlerësuar. “Gjendja është shumë e rënduar. Shumë më pyesin: ti u fute aty, bëre gjithë atë sakrificë, 4 muaj, le dy shfaqje teatrale sepse doje të shpëtoje shtëpinë tënde. Njerëzit më pyesin tani çfarë do bësh, do e lësh banesën tënde ta marrë banka? Shoh sytë e nënës sime që më pyesin, dakord Sagapao Laerti, por tani çfarë do bëjmë? Kjo është gjendja reale”, tha aktori i njohur.
“Më thonë të gjithë ‘a more ndonjë lekë o plak’. I them, ato i di njeriu që më ka ftuar”, tha Laerti. Ai nuk i ka kursyer kritikat dhe sulmet ndaj fituesit të Big Brother, Besart Kelmendit – Gjestit. Foli dhe për marrëdhënien me Valbona Mhillin, për të cilën la të kuptohej se nuk do të ketë një vazhdimësi.