TIRANË– Ish-finalisti i “Big Brother VIP Albania 4, njëkohësisht edhe një ndër aktorët më të njohur shqiptar, Laert Vasili, ka folur sa i takon marrëdhënies së tij me Ilnisa Agollin.
Duke folur në një intervistë për programin “Live From Tirana” me Ronaldo Sharkën, Laerti ka sqaruar çdo keqkuptim, duke theksuar se lidhja e tij me Ilnisën është e bazuar vetëm në miqësi të thellë.
Kur Ronaldo e pyeti nëse ka pasur ndonjëherë tërheqje seksuale ndaj Ilnisës, aktori reagoi me humor: “Çfarë thua?! Ilnisën e njoh prej 11 vitesh, e kam shoqe. Unë nuk i ngatërroj këto.”
Përveç kësaj, Laerti i dha një përgjigje të qartë dhe të mençur kur iu referua një deklarate të Ilnisës, ku ajo kishte thënë se edhe nëse mashkulli i fundit në botë do të ishte Laerti, ajo nuk do të bëjë kurrë marrëdhënie me të.
“Ka shumë të drejtë! Unë të ofendohem?! Përkundrazi! Edhe sikur femra e fundit në botë të ishte Ilnisa, nuk do të kisha asgjë seksuale me të. E kam shoqe!”-thotë Laerti./Radar.al