Të shtënat me armë zjarri pasditen e të premtes në fshatin Rrenxa në Vaun e Dejës nuk është e qartë nëse ishin paralajmërim apo kishin në shënjestër një person. Fakti është që hetuesit në vendin e ngjarjes kanë gjetur 30 gëzhoja nga armë të ndryshme.
Nga hetimet paraprake mësohet se automjeti që ka qenë shënjestër e kallashnikovit është “Audi” i zi i blinduar me targa gjermane, që shihni në pamjet që sjell Radar.al.
Burime pranë grupit hetimor bëjnë me dije se autorët dyshohet se kanë qenë me dy automjete “Mercedes S” të blinduar janë larguar me shpejtësi.
Audi i blinduar ka qenë i ndaluar kur i kanë ardhur autorët dhe pas shkëmbimit të zjarrit, drejtuesi është larguar nga vendi i ngjarjes. Burime për mediat bëjnë me dije se Policia ka bërë identifikim e një personi të përfshirë në këtë ngjarje, por emri i të cilit nuk bëhet i ditur për shkak të hetimeve.