Ngricat në rrugë kanë shkaktuar një aksident mëngjesin e sotëm në Bulqizë, në vendin e quajtur “Kthesa Kice”.
Raportimet e para tregojnë se dy mjete janë përplasur dhe për pasojë është plagosur një person.
Sipas policisë rrugore shkak i aksidentit ka qenë prezenca e akullit në rrugë. Ndërkohë policia ka nisur hetimet.
Policia u bën apel drejtuesve të automjeteve të kenë kujdes në lëvizje për shkak të prezencës së akullit në rrugë!
Pas reshjeve të dendura të shiut të shoqëruar edhe me reshje dëborë, sot vendin ja kanë lënë temperaturave të ulëta deri në minus 7 gradë ku ka sjellë ngrica në rrugët nacionale dhe ato rurale.