Seanca e Kuvendit këtë të enjte po shoqërohet me momente të qeshura mes deputetëve. Sali Berisha ka akuzuar Ulsi Manjën për veshjen e tij, duke nxitur reagime dhe humor në sallë. Deputeti socialist ka vendosur të sfidojë Berishën, duke treguar xhaketën që mbante dhe duke theksuar se copa që kishte veshur kreu i PD, kushtonte 2 mijë euro “pa hak pune”.
Dialogu:
Berisha: Ato kostumet ku i ke ti? Ku i ke kostumet? Aaa.. i ke hequr ato
(Manja heq xhaketën)
Berisha: I ke hequr ato?!
Peleshi: Respektoni kodin e veshjes zoti Manja
Berisha: Ato janë? A bravo shumë mirë, të ka dhënë dy ty jo një. Ku e ke çantë lujvuton, ku i ke 550 mijë eurot. Ulëzi, në kërkim do përfundosh. Nuk ke shpëtim
Manja: Sali, tani që të merremi vesh unë e ti. Të ka kap sindroma e Stocholmit dhe nuk rri dot pa mu. I ke përmend kostumet pa fund, të sfidoj, çfarë kostumesh vesh Berisha dhe Manja, sa bo e jotja dhe sa bën e imja. E kam pyetur chatgpt për çantën Louis vuiton. Copa e kostumit tënd bën dy mijë euro, pa hak pune. Unë e hoqa xhaketën, ai nuk e hoqi.
Peleshi: nuk e detyroj dot transparencën