Kryeministri hungarez Viktor Orban është takuar me kandidatin presidencial republikan, Donald Trump.
Ky takim u realizua si pjesë e përpjekjeve të liderit hungarez për të zgjidhur konfliktin në Ukrainë.
Orban, i cili ka kritikuar qasjen e Perëndimit ndaj konfliktit në Ukrainë udhëtoi në Rusi, Ukrainë dhe Kinë javën e kaluar për të diskutuar perspektivat për një zgjidhje paqësore.
Më vonë mori pjesë në samitin vjetor të NATO-s në Uashington, por nuk zhvilloi bisedime të nivelit të lartë me presidentin amerikan Joe Biden.
Duke shkruar në X të enjten, Orban tha se ai vizitoi rezidencën Mar-a-Lago të Trump në Florida si pjesë e asaj që ai e quajti “misioni i paqes”.
Peace mission 5.0
It was an honour to visit President @realDonaldTrump at Mar-a-Lago today. We discussed ways to make #peace. The good news of the day: he’s going to solve it! pic.twitter.com/AiTRsdexM5— Orbán Viktor (@PM_ViktorOrban) July 12, 2024
“Ne diskutuam mënyrat për të bërë paqe. Lajmi i mirë i ditës: ai do ta zgjidhë atë!” vuri në dukje kryeministri hungarez, duke postuar një foto të tij duke qëndruar pranë Trump.