TIRANË– Sot këtë të premte të 19 Shtator 2025, për herë të katërt Edi Rama dhe ministrat e tij kanë shkuar në Presidencë për të bërë betimin.
Kryeministri Edi Rama pasi bëri nënshkrimin, me dorën mbi kushtetutë u betua. Gjithashtu kreu i qeverisë do të ushtrojë edhe përgjegjësinë për ngritjen dhe funksionimin e ministrit virtual për Inteligjencën Artificiale Diella.
Pas shefit të qeverisë të gjithë ministrat me radhë bënë betimin mbi kushtetutë dhe morën dekretin nga presidenti Bajram Begaj.
Ky akt formal vjen pas miratimit të ndryshimeve në përbërjen e Këshillit të Ministrave, gjatë një seance parlamentare të mbajtur ditën e djeshme, e cila u karakterizua nga tensione dhe përplasje me opozitën.
Pas dekretimit nga Presidenti i Republikës, ministrat e rinj pritet të nisin menjëherë ushtrimin e detyrës në postet e reja. Ndryshimet në kabinet u propozuan nga Kryeministri Rama dhe u votuan në Kuvend mes polemikash politike dhe protestash verbale nga opozita parlamentare./Radar.al
Aksident tragjik në dalje të Vorës/ Vdes 35-vjeçari, plagosen dy persona (EMRI)