TIRANË– Ish-bashkëshortja e Kreut të PL-së Ilir Meta, Monika Kryemadhi ka ankimuar vendimin për masën e sigurisë që GJKKO ka dhënë ndaj saj.
Mësohet se Kryemadhi e ka dorëzuar ankimimin ditën e shtunë me postë.
Kujtojmë se Monika Kryemadhi po hetohet për 3 akuza, pastrim parash, korrupsion dhe mosdeklarim të ardhurash.
Ndërsa pritet që edhe ish-presidenti Ilir Meta ta dorëzojë këtë të hënë ankimimin kundër vendimit të arrestit me burg.
Ishte data 23 Tetor i këtij viti, kur Gjykata la në fuqi masën “detyrim për t’u paraqitur në policinë gjyqësore” të caktuar ndaj bashkëshortes së Ilir Metës, deputetes Monika Kryemadhi, për të njëjtat vepra penale, si dhe ndaj të hetuarës Ema Çoku, për pastrim parash.
Është zëvendësuar masa e sigurimit personal ndaj Piro Xhixhos, i hetuar për korrupsion pasiv, nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Radar.al
Afro 20 mijë euro shpenzime mjekësore, SPAK zbardh transaksionet e Metës dhe Kryemadhit
Arrestohet me urdhër të SPAK kreu i Partisë së Lirisë, Ilir Meta