SHBA– Karen Bass, kryebashkiakja e Los Angeles ka deklaruar se qyteti po përdoret për një eksperiment nga qeveria federale, ndërsa 2000 mijë anëtarë të tjerë të Gardës Kombëtare dhe 700 Marinsa janë vendosur për t’iu kundërvënë protestave të imigracionit.
“Këta nuk janë njerëzit që na thanë se do të ndaloheshin dhe kjo më bën të ndihem sikur qyteti ynë është në fakt një rast prove. Një rast prove për atë që ndodh kur qeveria federale ndërhyn dhe ia heq autoritetin shtetit ose qeverisë lokale.”-deklaroi ajo.
Ajo tha se kur administrata Trump erdhi në pushtet, planifikoi të përqendrohej te kriminelët për zbatimin e ligjit të imigracionit. Por ajo tha se ky nuk është realiteti se kush preket. Pas konferencës për shtyp, Bass postoi në rrjetet sociale.
“Mos e besoni kaosin e Trump. Përballuni momentit. Kjo ka të bëjë me mbrojtjen e komuniteteve tona të emigrantëve, jo me shkatërrimin e qytetit tone.”– shkroi kryebashkiakja në platformën “X”.
Protestat në Los Angeles kundër ICE-së, Zyrës së Imigracionit dhe Doganave, të cilët kanë kryer bastisje imigracioni për të deportuar banorët joligjorë, janë tani në ditën e tyre të katërt. Presidenti i SHBA-së, Donald Trump, ka vendosur një valë tjetër prej 2,000 oficerësh të Gardës Kombëtare, si dhe 700 marinsash në përgjigje të protestave, një veprim që e shtyu Guvernatorin e Kalifornisë, Gavin Neësom, ta quante presidentin “të çmendur” dhe “diktatorial”.
Newsom e ka paditur Trumpin në gjykatë, duke thënë se ai ka shkelur kushtetutën për dërgimin e Gardës Kombëtare para se të kërkonte miratimin e tij. Ndërkohë për qetësimin e protesuesve janë përdorur plumba gome, granata zhurmuese dhe armë të tjera jo-vdekjeprurëse. Tubime të reja po fillojnë në të gjithë SHBA- në kundër autoriteteve të imigracionit./Radar.al
“Një ditë vetëm me Jonin?” Nuk është Ledri, me kë po pushon Xhensila Myrtezaj në jug të Shqipërisë