TIRANË– Gjatë fjalës së tij në Kongresin e PS, Kryeministri Edi Rama ka treguar se është i pakënaqur me disa prej deputetëve të tij, ndërsa ka thënë se u bien dyerve në zyrat e shtetit vetëm kur kanë nevojë për të zgjidhur hallet e veta, apo të familjarëve të tyre.
Ndryshe nga shumica e deputetëve të tillë, Rama ka folur për Vullnet Sinës, ku ka thënë për këtë të fundit se i ka në rregull punët e veta dhe se ka bërë për qytetarët e vendit që drejton sa një qeveri e tërë.
“Vullnet Sina është njëri prej tyre, i ka në rregull punët e veta. Por në rregull i kishte edhe pa hyrë në skuadrën tonë. Nuk është i vetmi por kurrsesi ia zura emrin se para disa kohësh më tha që dëshiron ta mbyllë angazhimin e tij. Asnjëherë nuk më ka shqetësuar për asgjë personale. Por nuk e ka pasur problem të më shkruajë në një nga zonat më të varfra ku ka bërë sa një qeveri e tërë për njerëzit.”- tha Rama.