TIRANË– Kryetari i Partisë Demokratike, Sali Berisha ka zgjedhur këtë të diel për të uruar kryeministrin e Kosovës, Albin Kurti për qeverinë e re, por edhe për konstituimin e Kuvendit të Kosovës.
Përmes një postimi në Facebook, Berisha thotë se i uron Kurtit dhe kabinetit të tij qeveritar suksese në jetësimin e programit për zhvillim, mirëqenie dhe integrim evropian e euro-atlantik të Kosovës.
“Urim! Të dashur miq, pas zgjedhjeve të fundit parlamentare dhe demokratike në Kosovë, gjatë javës që lamë pas u konstituua Kuvendi dhe u votëbesua qeveria e re, Kurti lll (3). Me këtë rast, në emër të Partisë Demokratike, uroj të gjithë deputetët e zgjedhur për betimin e tyre, Kryetarin dhe Kryesinë e Kuvendit. Po ashtu, i uroj zotit Kurti dhe kabinetit të tij qeveritar suksese të mëdha në jetësimin e programit për zhvillim, mirëqenie dhe integrim evropian e euro-atlantik të Kosovës.”-shkruan kryedemokrati./Radar.al
