Një ngjarje e rëndë është shënuar pasditen e sotme në qytetin e Kukësit, ku një konflikt mes dy adoleshentësh ka përfunduar me plagosjen e një 15-vjeçari.
Sipas informacioneve paraprake, rreth orës 17:25, një i mitur dyshohet se ka goditur me mjet prerës një bashkëmoshatar të tij, i cili është transportuar menjëherë për ndihmë mjekësore në spitalin e Prizrenit. Mësohet se i plagosuri ndodhet jashtë rrezikut për jetën.
Falë ndërhyrjes së menjëhershme të Policisë dhe bashkëpunimit me qytetarët, autori i dyshuar është vetëdorëzuar në Komisariatin e Policisë Kukës.
Grupi hetimor ndodhet në vendin e ngjarjes dhe po punon për të zbardhur rrethanat dhe motivet e incidentit.