Kombëtarja shqiptare e futbollit ka shënuar një tjetër sukses, duke u ngjitur me 5 pozicione në renditjen e re të publikuar nga FIFA pas ndeshjeve të tetorit.
Kuqezinjtë renditen tani në vendin e 61-të, falë rezultateve pozitive ndaj Serbisë në kualifikueset e Botërorit 2026 dhe fitores në miqësoren ndaj Jordanisë, që u vlerësuan për shkak të nivelit të kundërshtarëve.
Ngjitje historike ka regjistruar edhe Kosova, e cila ka fituar 7 vende duke u pozicionuar në vendin e 84-t, renditja më e mirë në historinë e saj.
Në krye të renditjes botërore qëndron Spanja, ndërsa Argjentina ka kaluar në vendin e dytë, duke zbritur Francën në të tretin.