Një ngjarje e pappritur mësohet të ketë ndodhur ditën e sotme në Shkodër ku një 20-vjeçar dhe dy shtetas të mitur thuhet se kanë vjedhur një çantë me para dhe sende persoanle të n jë qytetari.
Burimet bëjnë me dije se ngjarja ka ndodhur në një berberhane.
Në lidhje me rastin në fjalë raportohet se janë vënë në pranga 3 autorët e krimit.
Njoftimi i Policisë
Vodhën çantën me para dhe sende personale, të një klienti në një berberhane në lagjen “Perash”, arrestohen një 20-vjeçar dhe 2 shtetas të mitur.
Vijojnë hetimet për të dokumentuar vjedhje të tjera që mund të kenë kryer këta shtetas.
Si rezultat i administrimit të menjëhershëm të kallëzimit të pronarit të një berberhane, se në subjektin e tij, 3 shtetas kishin vjedhur çantën me para dhe sende personale të një klienti, shërbimet e Komisariatit të Policisë Shkodër, në kuadër të operacionit “Door”, identifikuan dhe vunë në pranga autorët e dyshuar të rastit.
Konkretisht, u arrestuan shtetasi K. P., 20 vjeç dhe dy 17-vjeçarë.
Materialet procedurale iu referuan Prokurorisë së Shkodrës, për veprime të mëtejshme, për veprën penale “Vjedhja”, kryer në bashkëpunim.