Klevis Balliu ka folur për mediat lidhur me atë çka i ndodhi nënkryetarit të Partisë Demokratike Agron Gjekmarkaj, i cili humbi ndjenjat gjatë protestës.
Publikohet momenti kur Agron Gjekmarkaj humb ndienjat në protestë (video)
Balliu pretendon se Gjekmarkaj është dhunuar nga policia. Por Policia e Tiranës e mohoi diçka të tillë.
“I hipën sipër duke e sulmuar në mënyrë kafshërore dhe barbare. Ai që ka dhënë urdhrin dhe ai që e ka zbatuar urdhrin do mbajnë përgjegjësi direkte për dhunën e ushtruar. I hipën sipër dhe humbi ndjenjat. Është nisur për në spital, nuk ndihej mirë për shkak të dhunës së ushtruar ndaj tij.
Ata që kanë dhënë këtë urdhër kriminal dhe ata që kanë zbatuar urdhrin kriminal do mbajnë përgjegjësi, këta kriminelë ordinerë, që Dobracit as nuk u përmendin dot emrin, nuk thonë asnjë fjalë për Hajrat, guxojnë të dhunojnë në mënyrë barbare Gjekmarkaj. Do kenë përgjigjen më të ashpër dhe më të fortë, s’kemi për ti falur kurrë. Policët të cilët i përgjigjen krimit të organizuar dhe dalin në SkyEcc s’do vendosin dot kurrë diktaturë. Ta harrojnë ata që me këto presione do mund të na ndalojnë”, tha Balliu për mediat.