Kina i ka bërë thirrje Shteteve të Bashkuara që të lirojnë pa vonesë presidentin venezuelian Nicolas Maduro dhe bashkëshorten e tij, të cilët ndodhen në paraburgim në SHBA pasi u ndaluan nga forcat amerikane në Karakas.
Në një deklaratë zyrtare, Ministria e Jashtme e Kinës theksoi se Uashingtoni duhet të garantojë sigurinë e çiftit Maduro, të ndalë përpjekjet për rrëzimin e qeverisë venezueliane dhe të zgjedhë rrugën e dialogut dhe negociatave për zgjidhjen e situatës.
Pekini ka shprehur më herët shqetësim të thellë për ngjarjen, duke dënuar ashpër përdorimin e forcës nga Shtetet e Bashkuara ndaj një shteti sovran, veprim që sipas autoriteteve kineze përbën shkelje të rënda të normave ndërkombëtare.