Një ngjarje e rëndë ka ndodhur ditën e sotme në Milot ku 3 persona janë përfshirë në një sherr fizik.
Burimet bëjnë me dije se në këtë përleshje të ndodhur me thika janë përfshirë 2 vëllezër dhe një i tretë.
Për rrjedhojë pas përballjes së fortë mes tyre, personi i tretë, shtetasi A. A., rreth 30 vjeç, është plagosur me thikë.
Pas ngajrjes ai është dërguar menjëherë në spital ku mësohet se fatmirësisht është jashtë rrezikut për jetën.
Ndërsa thuhet se po vijojnë hetimet për arrestimin e autorëve.
Kurbin/Informacion paraprak
Rreth orës 14:55, në Milot, dyshohet se janë përfshirë në një konflikt të çastit, shtetasit E. K., K. K. (vëllezër), G. K., të tre banues në Milot dhe A. A., banues në Malbardhë.
Si pasojë është dëmtuar, dyshohet me mjet prerës, shtetasi A. A., rreth 30 vjeç, i cili është dërguar në spital, për mjekim, në gjendje jashtë rrezikut për jetën.
Shërbimet e Policisë po kryejnë kontrolle në zonë, për kapjen e shtetasve të përfshirë në konflikt.
Ndërkohë, grupi hetimor po kryen veprimet për zbardhjen e rrethanave të konfliktit./ Radar.al